| 真係要多謝北冕放假一天！ 我睇下兒童聖經班d相剪下片、由於相片size大得離譜 (有d每張4-5M!!!)，而且廢相佔7-8成 (經常映背脊、手手腳腳、毫無構圖可言—數碼相機的悲哀；有d相又未執藍晒紅晒)，我不時要restart部機 (大佬呀, 已2G on board啦) 先可以做downsizing。在短短兩、三天的貨期再要如此浪費大量時間，心裡不斷咒罵、後悔，檢討下年再做一定要出指引！搞到無晒心機就打機，上BSW網 (好耐冇上) 玩下RA, Power Grid... 成日剩係食左餅乾蛋糕，好在晚上食住家飯，仲係有元貝 (好好味...)，打風的一天就咁過去... (今日返工留意到已開始準備下年的diary，記起細個 (10歲前)對年過年好敏感，而家好感觸，不竟30多個年頭已過去...) |
| |
| 昨夜 - 小組完畢在翠華短聚後，可能因濕氣重，頭也重了，回家倒頭便睡。
今早 - 照例早醒，七時多起來... 黑雨；十時多起來，atv有mega bridges節目，講述連接丹麥和瑞典的厄勒大橋 (oeresund bridge)工程，從頭到尾的興建過程十分精彩、看得津津有味！
下午 - 去了天后 (上週日才到過edwin的新居)，在附近的山崎咖啡hea了半天，那裡的咖啡真不錯！
晚上 - 回到教會負責兒童崇拜，黑雨過後小朋友不多，我負責的大班只有梓嵐與希豐，我還答應給他們專心聽講的獎勵哩~~~ 希望我不會忘記吧！崇拜後到粗菜館，飯後又走到旺角，買了一件「this is so me」的衫仔給霖霖作生日禮物~~~
現在 - 歐洲國家盃77分鐘，瑞士落後捷克0:1。
|
| |
